Заамар сумын Иргэдийн Төлөөлөгчдийн Хурлын ээлжит 13-р хуралдаан 2023.12.19-ны өдрийн 10.20 минутад 77,7 хувийн ирцтэй сумын ЗДТГ-ын Хурлын танхимд хуралдлаа. Энэ удаагийн хуралдаанаар 1.Сумын Иргэдийн Төлөөлөгчдийн Хурал, ажлын албаны 2023 оны төлөвлөгөөний хэрэгжилтэд үнэлэлт өгөх тухай 2.Иргэдийн Төлөөлөгчдийн Хурлын бодлогын хороодын тайлан 3.“Тэрбум мод” хөтөлбөрийн хүрээнд хийгдсэн ажлын тайлан 4.Хог хаягдлын менежментийг сайжруулахад аж ахуйн нэгж, байгууллага иргэдийн оролцоо, санаачилгыг дэмжих тухай 5.Сумын ИТХ-ын тогтоол, шийдвэрийн хэрэгжилтэд үнэлэлт өгөх тухай 6.Төсвийн байгууллагуудын эд хөрөнгө актлах тухай 7. 2023 оны хөрөнгө оруулалт, худалдан авах ажиллагааны тайлан 8.Нийгмийн хариуцлагын гэрээний тайлан 9.Заамар сум байгуулагдсаны 100 жилийн ойн ажлын хэсгийн тайлан 10.Сумын 2023 оны газар зохион байгуулалтын төлөвлөгөөний хэрэгжилтэд үнэлэлт өгч, 2024 оны газар зохион байгуулалтын төлөвлөгөө батлах тухай 11.Заамарын хөгжил орон нутгийн өмчит НҮТББ-ын жилийн эцсийн тайлан 12.Сумын Засаг даргын 2020-2024 оны үйл ажиллагааны хөтөлбөр, 2023 оны хөгжлийн жилийн төлөвлөгөө хэрэгжилтэд үнэлэлт өгөх тухай 13.Сумын 2024 оны хөгжлийн жилийн төлөвлөгөөний төслийг хэлэлцүүлэн батлах тухай 14.Орон нутгийн хөгжлийн сангийн хөрөнгөөр 2024 онд хийгдэх төсөл арга хэмжээний төсвийг хэлэлцэн батлах 15.Хоёрдугаар сургуулийн биеийн тамирын гадна талбай байгуулах асуудал, цагдаагийн хэлтсээс ирсэн хүсэлт зэргийг шийдвэрлэх 16.Сумын 2024 оны төсөв батлах тухай асуудлуудыг хэлэлцлээ.

Зөвлөлийн 4 дүгээр хуралдаанаар: 1. Сумын Иргэдийн Төлөөлөгчдийн Хурал, ажлын албаны 2023 оны төлөвлөгөөний хэрэгжилтэд үнэлэлт өгөх тухай 2. Иргэдийн Төлөөлөгчдийн Хурлын бодлогын хороодын тайлан 3. Заамар сум байгуулагдсаны 100 жилийн ойн ажлын хэсгийн тайлан 4. Нийгмийн хариуцлагын гэрээний тайлан 5. Төсвийн байгууллагуудын эд хөрөнгө актлах тухай 6. Сумын ИТХ-ын тогтоол, шийдвэрийн хэрэгжилтэд үнэлэлт өгөх тухай 7. Сумын 2023 оны газар зохион байгуулалтын төлөвлөгөөний хэрэгжилтэд үнэлэлт өгч, 2024 оны газар зохион байгуулалтын төлөвлөгөө батлах тухай. 8. “Тэрбум мод” хөтөлбөрийн хүрээнд хийгдсэн ажлын тайлан 9. Хог хаягдлын менежментийг сайжруулахад аж ахуйн нэгж, байгууллага иргэдийн оролцоо, санаачилгыг дэмжих тухай 10. 2-р сургуулийн биеийн тамирын гадна талбай байгуулах асуудлыг шийдвэрлэх 11. Заамарын хөгжил орон нутгийн өмчит НҮТББ-ын жилийн эцсийн тайлан 12. 2023 оны хөрөнгө оруулалт, худалдан авах ажиллагааны тайлан 13. Сумын Засаг даргын 2020-2024 оны үйл ажиллагааны хөтөлбөр, 2023 оны хөгжлийн жилийн төлөвлөгөө хэрэгжилтэд үнэлэлт өгөх тухай 14. Сумын 2024 оны хөгжлийн жилийн төлөвлөгөөний төслийг хэлэлцүүлэн батлах тухай 15. Орон нутгийн хөгжлийн сангийн хөрөнгөөр 2024 онд хийгдэх төсөл арга хэмжээний төсвийг хэлэлцэн батлах 16. Сумын 2024 оны төсөв батлах тухай 17. Хуралдааны тов тогтоож, хэлэлцэх асуудлын дараалал тогтоох тухай зэрэг асуудлыг хэлэлцлээ.

Шатрын спортыг орон нутагт түгээн дэлгэрүүлэх, жигд хөгжүүлэх зорилгоор жил бүр “Үндсэн хуулийн өдөр”-ийг тохиолдуулан зохион байгуулагддаг УИХ-ын дарга Занданшатарын нэрэмжит “Шатар сонирхогчдын улсын аварга” шалгаруулах анхан шатны тэмцээнийг Иргэдийн Төлөөлөгчдийн Хурал, сумын шатрын клубтэй хамтран 2023.11.29-ний өдөр зохион байгуулж, нийт 16 тамирчин оролцож дараах байруудыг эзэллээ. Үүнд: Эрэгтэй: 1-р байр Б.Дамбажав (4-р багийн ахмад настан) 2-р байр Ц.Баярсайхан (4-р багийн иргэн) 3-р байр Л.Энхболд (2-р багийн иргэн) Эмэгтэй: 1-р байр М.Эрдэнэцэцэг (4-р багийн иргэн) 2-р байр Ч.Энхжаргал (4-р багийн иргэн) 3-р байр Б.Оюунцэцэг (4-р багийн иргэн)

Ерөнхий боловсролын сургуулийн ахлах ангийн сурагчид болон политехникийн коллежийн оюутнуудад “Цахим орчинд гэмт хэргээс урьдчилан сэргийлэх”, "Хувь хүний санхүүгийн боловсрол" сэдвүүдээр лекц уншиж дасал ажил ажиллаа. Мөн иргэд болон төрийн албан хаагчид Хувь хүний санхүүгийн эмх цэгц" сэдэвт сургалтад хамрагдлаа.

2023 оны сургалтын төлөвлөгөөнд тусгагдсаны дагуу Монголын Нутгийн Удирдлагын Холбооноос ИТХ-ын Төлөөлөгчдөд зориулж дараах сэдвүүдээр сургалт авлаа. Үүнд: “ИТХ-ын төлөөлөгчийн ёс зүй”, “Иргэдийн Төлөөлөгчдийн Хурал ба иргэдийн оролцоо”, “Иргэдийн Төлөөлөгчдийн Хурлын зарим чиг үүрэг”, “ИТХ-ын Хороод хэрхэн ажиллах талаарх боломжууд”, “ИТХ-ын Төлөөлөгч хэрхэн ажиллах вэ?” гэсэн сэдвүүдийн хүрээнд сургалтад амжилттай хамрагдлаа.

Монгол Улсын Их Сургуулиас зохион байгуулж буй "Манлайлал- Шилжилтийн үеийн чадавхын хөгжил" эрдэм шинжилгээний олон улсын цуврал XII дахь Хуралд Төв аймгийн иргэдийн Төлөөлөгчдийн Хурал 3 дахь жилдээ хамтран оролцож байгаа юм. "Төрийн бодлого" сэдэвт энэ удаагийн олон улсын Хуралд аймгийн ИТХ-ын Ажлын алба, аймгийн ИТХ-ын зарим Төлөөлөгчид болон сумдын ИТХ-ын төлөөллүүд оролцож байна. Манай сумын хувьд ИТХ-ын дарга, нарийн бичгийн дарга, ажлын албаны мэргэжилтэн хамрагдаж 6 сэдвийн хүрээнд лекц уншин, 3 сэдэвт хэлэлцүүлэг өрнүүллээ.

Аймгийн ИТХ-ын дарга Ц.Жамбалсүрэнгээр ахлуулсан ажлын хэсэг өчигдөр буюу 10 дугаар сарын 10-ны өдөр манай суманд ажиллалаа. ИТХ-ын дотоод үйл ажиллагаанд зөвлөн тусалж, хяналт шалгалт хийн, төрийн албан хаагчидтай уулзалт зохион байгууллаа. Мөн ИТХ-ын Зөвлөл, хороодын дотоод үйл ажиллагаа, Гэмт хэргээс урьдчилан сэргийлэх ажлыг зохицуулах сумын салбар зөвлөлийн төлөвлөгөө, хэрэгжилт, Эрх бүхий албан тушаалтны үйл ажиллагаа, БИНХ-ын үйл ажиллагаа болон холбогдох материалуудтай танилцан мэргэжил арга зүйн зөвлөгөө өгч ажиллав.

Сумын худалдаа, үйлчилгээний цэг салбаруудад удирдамжийн дагуу 9 дүгээр сарын 12-13, 18-19-ны өдрүүдэд 8 хүний бүрэлдэхүүнтэйгээр Төвийн баг, Хайлааст баг, Тосон багуудын худалдаа, үйлчилгээний цэгүүдэд хяналт шалгалтыг хийлээ. Хяналт шалгалтаар 37 цэгээр орж удирдамжид заагдсан үзүүлэлтүүдээр тохирлын гэрчилгээ болон тусгай зөвшөөрлүүдийн хугацааг үзэн, архи согтууруулах ундаа, тамхины худалдаа эрхлэлт болон хүнсний бүтээгдэхүүний хадгалалт хамгаалалт, шинжилгээний бичиг, хадгалалтын хугацаа, баглаа боодлын бүрэн бүтэн байдал, жин хэмжүүрийн хугацааг шалган, хэрэглэгчдэд НӨАТ-ын баримт олголт, үнэ тарифын нэмэгдүүлэлт дээр хяналт тавьж ажиллаа. Илэрсэн зөрчил: Хяналтад хамрагдсан 37 цэгээс тохирлын гэрчилгээний хугацаа дууссан, жин хэмжүүрийн хугацаа дууссан, орчны ариун цэвэр хангалтгүй, бараа бүтээгдэхүүний хугацаа дууссан тогтмол хянадаггүй зэрэг зөрчлүүд илэрсэн. 27-н хүнсний дэлгүүрээс хадгалалтын горим зөрчсөн, хугацаа дууссан 32 нэр төрлийн 4605300 төгрөгийн бараа бүтээгдэхүүнийг газар дээр нь устган, газар дээр нь устгах боломжгүй 1946600 төгрөгийн барааг хураан авч устгуулахаар сумын устгалын комисст хүлээлгэн өгөв.

Заамар сумын ИТХ болон ЗДТГ хамтран зохион байгуулж буй "Заамар сумын түүхт 100 жилийн ой, сумын мастеруудын" нэрэмжит волейболын нээлттэй тэмцээн эхлэхэд бэлэн боллоо. Нээлтийн үйл ажиллагааны дээр Олон Улсын хэмжээний Мастер А.Даваажаргал ахлагчтай Hasu MegaStars Volleyball Club ирж үзүүлэх тоглолт хийнэ.

1. 2023.09.09-ны өдөр Заамар сумын 100 жилийн ой, мастеруудын нэрэмжит волейболын нээлттэй тэмцээнд оролцсон баг тамирчид, иргэд, оюутнуудад Улс төрийн хилс хэрэгт хэлмэгдэгсдийг цагаатгах тэднийг санан дурсаж хүндэтгэл илэрхийлэх, хэлмэгдүүлэлт дахин давтахгүй байхыг сануулах, хэлмэгдүүлэлтийн хор уршгийг таниулах мэдээлэл өгч, нэг минут дуугаа хурааж хүндэтгэл үзүүлэх. 2. 2023.09.10-ны өдөр Хэлмэгдэгсдийн дурсгалыг хүндэтгэн авто машины гэрлийг асааж замын хөдөлгөөнд оролцох. 3. 2023.09.11-ний өдөр Хэлмэгдэгсдэд зориулан хурал ном хуруулж, ерөөл айлтгуулах. 4. Хэлмэгдэгчдийн ар гэрийнхэнд гарын бэлэг гардуулж, хүндэтгэл үзүүлэх.