Нэгдсэн үндэсний байгууллагын Ерөнхий Ассамблей 1962 оноос эхэлж жил бүрийн 10 дугаар сарын 01-ний өдрийг Олон улсын ахмадын баяр болгон тэмдэглэхийг дэлхий даяар албан ёсоор тунхагласан билээ. Өдгөө Монгол улс ахмадын баярыг 31 дэхь удаагаа тэмдэглэн өнгөрүүлэх гэж байна. Хурлын үеэр сумын ИТХ-ын дарга Б.Самбуу ахмадууддаа мэндчилгээ дэвшүүлэхдээ "Ирээдүй хойч үеийнхээ сайн сайхан, улс орныхоо хөгжил цэцэглэлтийн төлөө залуу нас, халуун сэтгэлээ зориулан уйгагүй хөдөлмөрлөж, шаргуу зүтгэсэн буянт буурлууд, ахмадууд та бүхэндээ Олон Улсын Ахмадын баярын өдрийн халуун мэндийг хүргэе" гэлээ. Мөн тэрээр баярын хурлын үеэр зарим ахмадуудад төрийн болон аймгийн одон медалийг гардуулан өглөө.